آيريلديق.. شكليميز بولاغدا قالدي

X

آيريلديق.. شكليميز بولاغدا قالدي


	یئنه گلرسن یئنه گلرسن گوز یولا تیکمکدن گوزیم آغاردی دئدیم دولانارسان یئنه گلرسن منه ده گورا یوخ آللاهدان اوتری بیر گون یوخلاماقا منه گلرسن دئمیرم هوندوردن آخان چای کیمی سپه لنه سپه لنه گلرسن محبتی آزالان بولاق کیمی سیزا سیزا زینه زینه گلرسن جیران کیمی قاچا قاچا شکه لیب دورنا کیمی دونه دونه گلرسن گلنده بیزه گل چوخ گورمه لییم ساغلیق اولسا ائل گلنه گلرسن گوزیم تاماشالی آغزیم گولمه لی گورسون گولندن گولنه گلرسن "ساوالان شاعیری" خرانا دوشوب باشیما خزل النه گلرسن بیزه ده گلمه سون ساوالانا گل آللاه قویسا من اولنه گلرسن دئمه "جاواد" اولور دای نه سوزی وار وصیتیم واردی سنه گلرسن .......................................................... زینه زینه = قطره قطره \|+\| نوشته شده توسط نوید & رضوان در پنجشنبه بیست و یکم خرداد 1388 \|


	سیزیلدا سازیم سیزیلدا سیزیلدا سازیم سیزیلدا سسون گلدیکجه منه جان گلیر قورو آغاج قورو دری قورو تئل بو گوزل سیزیلتی هارادان گلیر * منیم دیلیم دری سنین کی سیم دی بو سس نه سنون دی نه ده منیم دی پرده لر دالیندان سسله نن کیمدی پرده قوزاندیقجا اوجادان گلیر * من کونلومو سیزیلدادیم ، سن تاری قاتاق بیر بیرینه سیزیلتیلاری یاراق یارالاری اویاداق یاری گورگ یاردان گلیر ،یارادان گلیر * باهارین جلوه سی گولون عشوه سی بولبولین نغمه سی نئیین ناله سی عشقین هنیرتیسی ،سسی ، نفسی صبایه قاریشیب سبادان گلیر * زعفران تئللرون محبت کولی کونوللر دایاغی گوولومون یولی قونداقون دردیله غمیله دولی آرا سیزیلداییر ، آرا قان گلیر * ((جاواد)) قوربان اولسون شیرین دیللره سسیوی قات سیزیلتیما بیر کره یاشیل دونا بورونوبدیر داغ دره دییه سن سئوگیلیم اوبادان گلیر عشقین هنیرتیسی = هْرم عشق ،گرمای عشق کره = دفعه ،مرتبه \|+\| نوشته شده توسط نوید & رضوان در یکشنبه سیزدهم بهمن 1387 \|


	بیاغ ائشيتديم گليرسن يوخلاماغيما بو سويوق اوجاقا نئيه گليرسن گلمه ، گلمه‎گيوه راضي دَييرم يوخي يوخلاماغا نئيه گليرسن * بُنزه‌رم دنيزده سينيق بئلمه دوشميشم گيردابا ، باتميشام غمه آرزيمين اكيني گئديب وغمه باتميشام آلاغا نئيه گليرسن * اوجا داغدان ديميرلانان داش‎كيمي قارا گؤزدن يئره سوزن ياش كيمي باشوندان ساللانان اوزون ساش كيمي دوشميشم اياغا نئيه گليرسن * اوباسي داغيلان ييًيه‌سيز داغام جيراني اوولانان اووسيز اوولاغام گؤزه سي قورويان سوسوز بولاغام قوروموش بولاغا نئيه گليرسن * ديليم قيفللي‌دير دوداغيم داغلي قوللاريم چيدارلي ، قيچيم باداغلي پوزولان باغلار تك قاپي‌سي باغلي پوزولان بير باغا نئيه گليرسن * آغاجدا چوروين سينيق بوتاغام ائل دن آلاهيام ياردان اوزاغام باشماغي جوتلنميش گئدر قوناقام قوناق بير قوناقا نئيه گليرسن * دونن تانيشيديم بو گونو يادام بُياغ كيمي ياددان چيخان بير آدام ساوالان شاعري قوجا « جاوادام » بياغام ، بياغا نئيه گليرسن وغم = از بين رفتن ـ به هدر رفتن محصول اوولاغ = شكارگاه چيدار = بستن دست با طناب باداغ = پابند بياغ = گذشته \|+\| نوشته شده توسط نوید & رضوان در جمعه یازدهم بهمن 1387 \|


	دستخط استاد بیر گون اولا گونش دوغا،باهار گَله ، سن گَله سن باغچامیزدا پروانه تک ، گوللر اوسته اَیلَنه سن ایندی شعرین سوزین دئدیک، اوندا شعرین اوزین دییَک دوز اوتوراق ،دوز دَبرَک،دوز دانیشاق دوزین دییَک صاندیق آچاق،پامبوق توکَک،اورکلرین سوزین دییَک \|+\| نوشته شده توسط نوید & رضوان در جمعه یازدهم بهمن 1387 \|


	آیریلدیق... گزیده ای از آثار استاد سید جواد ابوترابی به عنوان کتابی به اسم آیریلدیق شکلیمیز بولاغدا قالدی به اهتمام رضوان ابوترابی پسر استاد (دایی خوبم) منتشر شده.جا داره از دایی خوبم رضوان ابوترابی و تمام دوستانی که واسه انتشار این کتاب تلاش کردن تشکر کنم. آیریلدیق شکلیمیز بولاغدا قالدی نیشانا گوندرمک ساعات خوشلاماق یاریم یاریمچلیق یا یلاغدا قالدی سوزوم آغیزلاردا گوزوم یولاردا قولاغیم سیرغا تک سوراغدا قالدی * گوزون اووسینلادی اوزون اولادون اووین قانلی اورگیمی داغلادون نه اولدوردون نه یارامی باغلادون دئمه دون ؟ اوولادویم اوولاغدا قالدی * کونول گوشی قوشا خالا آللاندی هوروگوندن بیرتئل توتدی آسلاندی ساچ هورولدی تئل قیوریلدی توولاندی باشدا قیفیللاندی ایاغدا قالدی * باشوندان سوروشدی گوللی اورپه گون چینووه یاییلدی قارا پیرچه گون دوداق سوت قایماغون دیل بال پته گون اودا بیر دادیدی داماغدا قالدی * گوزه ده شکیلون اوزومه گولدی من دئدیم آیدین دی، سن دئدون لیل دی گوزلر دانیشدیقین کونوللر بیلدی آیریلدیق،... شکلیمیز بولاغدا قالدی * منی آل ایله دون بیه ندون یادی دوشدی آغیزلارا ((جاوادین)) آدی کونلومین ایسته گی آغزیمین دادی اوزون آرزیلار تک اوزاغدا قالدی \|+\| نوشته شده توسط نوید & رضوان در یکشنبه بیست و نهم دی 1387 \|